امیرحشمت اله رحیمی بویراحمدی

                                            [ابیات لُری بختیاری - بویراحمدی]

شو وَ رُوز  وَ حَسرتُم وَ بی قراری تییلُم / وَ پَسین تا دَمهَ صُبح،شو زِنده داری تییلُم

کُوه دِنـا برف چَویل ، پازَن سالی یَه وِلا / گِلمَه  بُنگ بِزنیت  وَ آسَمـــــاری  تییلُم

دَمَه عید مالَ  بهار ، وُردَل سَرحَد وَ کِیهَ / گَهپلت  نِمونَیه  مَه نـــــــاز داری تییلُم

وَ اردَل تا باغ مَلِک ، مُلک  مَنال  اِیلمــُو / وَ کُهرَنگ تا مالَمیر وَ هَفـت چـاری تییلُم 

دَمَه صُبح زَنگل اِیل ، یاری مِردل ایکُنن / وَ صِدی درا  حَیون  وَ ایـــــلَ باری تییلُم

وَ خِرُنگ  چالَمُون،تَش دیِ مالَل وَ  پُوِییز /گُل  نَرگِس دَمَه عید، وَ بـی قِراری تییلُم

زَردکُوه  بُنگ اِیزَنُم، عَطرچَویل کُوه دِنـا / وَ شوشتَر تا بویراحمد،اِیل  بَختیاری تییلُم

وَ سَرحَد تا گَرمَسیر، وُ اِیل باری چِه خَشه/ اُومیه رَسمَل  نو، دِل  وَ چِه داری تییلُم

وَفارسُون تالُردِگُون،کُوگَل مَهس سوزکوه/وَکَلی کُوه سیل کُنی مَه تلَه خاری تییلُم

وَ  دِیار زاگُــــرس، سِتین   اِیلل دَ  کِیهَ / بَختیاری-بویراحمدی وَ دَس دَراری تییلُم

                             امیرحشمت اله رحیمی بویراحمدی

                            (شاعر و نویسنده  سرزمین  زاگرس)